დაიწყო აპლიკაციების მიღება რეგიონალურ სამაგისტრო პროგრამაზე: „ადამიანის უფლებები და დემოკრატიზაცია კავკასიის რეგიონში“ (აღმოსავლეთის პარტნიორობის რეგიონი) 2018/2019

06.06.2018

რეგიონალური სამაგისტრო პროგრამა: „ადამიანის უფლებები და დემოკრატიზაცია კავკასიის რეგიონში“ დაარსებულია ევროკავშირის ფინანსური მხარდაჭერით და წარმოადგენს მთელი მსოფლიოს მასშტაბით ადამიანის უფლებებისა და დემოკრატიზაციის სამაგისტრო პროგრამების გლობალური კამპუსის ნაწილს. სამაგისტრო პროგრამის შექმნაში აქტიურად მონაწილეობდა ვენეციის ევროპული შიდა–საუნივერსიტეტი ცენტრი, ასევე წამყვანი უნივერსიტეტები სომხეთიდან, უკრაინიდან, ბელორუსიიდან და საქართველოდან.
რეგიონალური სამაგისტრო პროგრამა: „ადამიანის უფლებები და დემოკრატიზაცია კავკასიის რეგიონში“ არის 1 წლიანი (60 კრედიტი) ინტერდისციპლინური (მოიცავს როგორც სამართლებრივ, ისე პოლიტიკურ და მულტიდისციპლინურ ელემენტებს) პროგრამა, რომელიც დაარსებულია მიმღები უნივერსიტეტის – ერევნის სახელმწიფო უნივერსიტეტისა და მასპინძელი უნივერსიტეტების: კიევის ტარას შევჩენკოს სახელობის ეროვნული, ბელორუსიის სახელმწიფო და ივ. ჯავახიშვილის სახელობის თბილისის სახელმწიფო უნივერსიტეტების მიერ. პროგრამაზე სწავლება მიმდინარეობს ინგლისურ და რუსულ ენებზე.

•   პოლიტიკის მოდული – ბელორუსიის სახელმწიფო უნივერსიტეტი.
•   სამართლის მოდული – კიევის ტარას შევჩენკოს სახელობის ეროვნული უნივერსიტეტი.




მიღების ეტაპები

     •     I ეტაპი - აპლიკაციებისა და დოკუმენტების მიღება
     •     II ეტაპი - პირველადი შერჩევის შედეგად შერჩეული აპლიკანტების გამოცხადება და ინტერვიუ
     •     III ეტაპი - ოფიციალური მოწვევა

ა. დაშვების წინაპირობა

ადამიანის უფლებებისა და დემოკრატიზაციის სამაგისტრო პროგრამა ღიაა ყველა დაინტერესებული პირისათვის, რომლებსაც აქვთ ბაკალავრის ან მასთან გათანაბრებული დიპლომი. აპლიკანტს ასევე მოეთხოვება რომ თავისუფლად ფლობდეს როგორც ინგლისურ, ასევე რუსულ ენებს, იყოს დაინტერესებული ადამიანის უფლებებისა და დემოკრატიზაციის საკითხებში. უპირატესობა მიენიჭებათ მათ, ვისაც სწავლის ან/და პროფესიული გამოცდილება ექნებათ ზემოთ ხსენებულ სფეროებში.

ბ. განაცხადის ფორმა:

სამაგისტრო პროგრამაზე განაცხადის მიღება ხდება ელექტრონულად. სააპლიკაციო ფორმასთან ერთად კანდიდატებმა უნდა წარმოადგინონ შემდეგი დოკუმენტები:

     •     შევსებული სააპლიკაციო ფორმა
     •     CV (https://europass.cedefop.europa.eu/europass/home/hornav/Downloads/EuropassCV/CVExamples.csp)
     •     ორი ცალი სამოტივაციო წერილი (1000-1500 სიმბოლო) ინგლისურ და რუსულ ენებზე, სადაც პირველი შეეხება მოტივაციას სწავლის მიზნებიდან გამომდინარე, ხოლო მეორე - სრული ან ნაწილობრივი დაფინანსების საჭიროებას
     •     ესსე (მინ. 1500 – 2000 სიტყვა) ადამიანის უფლებებსა და დემოკრატიზაციასთან დაკავშირებულ საკითხზე (გთხოვთ, გაეცანით ვებ–გვერდს ესსეს თემატიკის შერჩევისა და მოთხევნების შესახებ დეტალური ინფორმაციის მისაღებად: http://www.regionalmaster.net/index.php?option=com_content&view=article&id=55&Itemid=61)
     •     საკონტაქტო ინფორმაცია იმ ორი პირისა, რომლებიც გასცემენ სარეკომენდაციო წერილებს (ერთი სასწავლებლიდან, ხოლო მეორე ამჟამინდელი ან ყოფილი დამსაქმებლისგან, იმ შემთხვევაში თუ კანდიდატს აქვს სამუშაო გამოცდილება)
     •     უნივერსიტეტის დიპლომის(ების) დასკანერებული ვარიანტი
     •     ნიშნების ფურცელი
     •     დამატებით, მათ ვისაც აქვთ ინგლისური ენის ცოდნის დამადასტურებელი სერტიფიკატები შეუძლიათ წარმოადგინონ ისინი
             o      ინგლისური ენის ცოდნის დამადასტურებელი სერტიფიკატის ქულები - TOEFL (PBT 513-547; IBT 65-80) ან IELTS (5.5-6)

გ. განაცხადის გაკეთება სამაგისტრო პროგრამაზე

კანდიდატმა უნდა:
     •     შეავსოს ელეტრონული სააპლიკაციო ფორმის ნაწილი A და B;      

მიღების ვადები

განაცხადები მიიღება 2018 წლის 15 მაისიდან 2018 წლის 30 ივნისამდე. აპლიკაციების გადარჩევა და გასაუბრება მოხდება 2018 წლის 2 ივლისიდან 2018 წლის 25 ივლისამდე.  პროგრამაზე ჩარიცხვის შესახებ ინფორმაცია და მოწვევის წერილი შერჩეულ კანდიდატებს გაეგზავნებათ 2018 წლის 15 ივნისამდე.

ჩვენი რჩევაა რაც შეიძლება მალე გამოაგზავნოთ სააპლიკაციო ფორმები.

შერჩევის კრიტერიუმები

კანდიდატების შეფასება მოხდება საკოორდინატო საბჭოს მიერ შემდეგი კრიტერიუმის გათვალისწინებით:
            o     აკადემიური მოსწრება (წინა საფეხურის განათლება, CV)
            o     მოტივაცია: რამდენად არის დაინტერესებული კანდიდარი ადამიანის უფლებებისა და დემოკრატიზაციის საკითხებში
            o     წარმოდგენილი წერილობითი დოკუმენტები
            o     რამდენად ღრმად სწამს თავისუფლებისა და სოციალური ჩართულობის იდეის
            o     გამოცდილება არსებითად დაკავშირებულ სფეროებში.

დაფინანსება

2018–2019 აკადემიური წლისათვის პროგრამით გათვალისწინებულია 25–მდე სტუდენტის (სამიზნე ქვეყნებიდან) სრულად დაფინანსება. დაფინანსება მოიცავს სწავლების საფასურს, მგზავრობისა და ცხოვრების ხარჯებს. უპირატესობა მიენიჭებათ არარეზიდენტ კანდიდატებს.


<< უკან დაბრუნება