ცხადდება მიღება ევროპისმცოდნეობის სამაგისტრო პროგრამაზე 2019/2020

01.07.2019

ევროკავშირის მხარდაჭერით დაარსებული თბილისის სახელმწიფო უნივერსიტეტის ევროპული კვლევების ინსტიტუტი აცხადებს მიღებას 2019–2020 სასწავლო წლისათვის ინგლისურენოვან ინტერდისციპლინურ სამაგისტრო პროგრამაზე ევროპისმცოდნეობაში , ევროპულ უნივერსიტეტებში მობილობის შესაძლებლობითა და საჯარო და კერძო სექტორებში სტაჟირების შეთავაზებით.

თბილისის სახელმწიფო უნივერსიტეტის ევროპული კვლევების ინსტიტუტი დაარსდა 2007 წელს ევროკავშირის ფინანსური მხარდაჭერით და ეფუძნება თსუ–ის ოთხ ფაკულტეტს:

• იურიდიული ფაკულტეტი;

• ეკონომიკისა და ბიზნესის ფაკულტეტი;

• სოციალურ და პოლიტიკურ მეცნიერებათა ფაკულტეტი;

• ჰუმანიტარულ მეცნიერებათა ფაკულტეტი.

ევროპისმცოდნეობის სამაგისტრო პროგრამის კურიკულუმი და კურსის სილაბუსები შედგენილია უცხოელი ექსპერტების მიერ ევროპისმცოდნეობის წამყვანი ევროპული პროგრამების გათვალისწინებით.

ევროპისმცოდნეობის სამაგისტრო პროგრამის კურიკულუმი მოიცავს ოთხ ძირითად საგანს დამფუძნებელი ფაკულტეტებიდან:

• ევროკავშირის სამართალი

• ევროკავშირში ინტეგრაციის ეკონომიკა

• ევროპის ისტორია

• მმართველობა და გადაწყვეტილების მიღების პროცესი ევროკავშირში

ჩამოთვლილი საგნების გარდა კურიკულუმში შესულია შემდეგი სავალდებულო და არჩევითი კურსები:

• ევროპული ინტეგრაციის თეორიები

• თანამშრომლობა ევროკავშირსა და საქართველოს შორის

• აღმოსავლეთ ევროპის ევროპეიზაცია

• ევროკავშირის განვითარება და მოსახლეობა

• ადამიანის უფლებათა ევროპული სამართალი

• ევროპის კულტურული მოზაიკა

• ევროპული პოლიტიკა

• საერთაშორისო საინვესტიციო სამართალი

• საერთაშორისო საჯარო სამართალი

• საჯარო პოლიტიკის ანალიზი

• სტატისტიკა

• სამართლის თეორია

• კვლევის დიზაინი

ევროპული კვლევების ინსტიტუტის ზოგიერთი პარტნიორი უნივერსიტეტი ევროკავშირში საიდანაც ხდება უცხოელი პროფესორების მოწვევა და წარმატებული სტუდენტების მივლინება:

• თრინითის კოლეჯი დუბლინი;

• ბერლინის თავისუფალი უნივერსიტეტი;

• გრაცის უნივერსიტეტი, ავსტრია;

• ცენტრალური ევროპის უნივერსიტეტი, ბუდაპეშტი;

• სლოვენიის ლუბლიანას უნივერსიტეტი;

• გრენობლის პიერ მენდესის საფრანგეთის უნივერსიტეტი;

• ათენის პანთეონის ბერძნული უნივერსიტეტი;

• ბრიუსელის თავისუფალი უნივერსიტეტი;

სწავლის ღირებულება სემესტრულად შეადგენს 1500 ლარს.

დიპლომს გასცემს თსუ იურიდიული ფაკულტეტი.

მსურველებს ჩაბარებული უნდა ჰქონდეთ საერთო სამაგისტრო გამოცდები ( ნებისმიერი კატეგორიის A, B ან C ტიპის ტესტი ), რის საფუძველზეც მოპოვებული გრანტი საფასურის დაფარვის ნაწილში მოქმედებს.

სამაგისტრო პროგრამაზე სწავლება სრულად ინგლისურენოვანია.

2019-2020 სასწავლო წლის შემოდგომის სემესტრში მაგისტრატურაში მიღების ვადები:

(რექტორის ბრძანება: https://www.tsu.ge/ge/juridical/orders/UKWJN5G3VwO4l19ea/?p=1)

ა) მაგისტრანტობის კანდიდატთა საბუთების მიღება (რეგისტრაცია) - 26 აგვისტო - 2 სექტემბერი;

ბ) გამოცდა უცხო ენაში (იმ საგანმანათლებლო პროგრამების მაგისტრანტობის კანდიდატებისათვის, რომლებსაც მოეთხოვებათ უცხო ენის გამოცდის ჩაბარება) - 4 სექტემბერი;

გ) გამოცდის შედეგების გამოცხადება – 5 სექტემბერი;

დ) გამოცდის შედეგების გასაჩივრება – 6 სექტემბერი;

ე) აპელაციის შედეგების გამოცხადება – 9 სექტემბერი;

ვ) გამოცდა სპეციალობაში (წერითი კომპონენტი) – 6 სექტემბერი;

ზ) გამოცდის (წერითი კომპონენტი) შედეგების გამოცხადება – 10 სექტემბერი;

თ) გამოცდის (წერითი კომპონენტი) შედეგების გასაჩივრება – 11 სექტემბერი;

ი) აპელაციის (წერითი კომპონენტი) შედეგების გამოცხადება – 12 სექტემბერი;

კ) გამოცდა სპეციალობაში (იმ საგანმანათლებლო პროგრამების მაგისტრანტობის კანდიდატებისთვის, რომლებსაც მოეთხოვებათ ზეპირი კომპონენტის ჩაბარება) - 10 სექტემბერი;

ლ) ხელშეკრულების გაფორმება მაგისტრანტობის კანდიდატებთან -13 - 17 სექტემბერი;

მ) საგანმანათლებლო ერთეულების მიერ სასწავლო პროცესის მართვის დეპარტამენტისათვის მაგისტრანტობის კანდიდატთა სიის წარდგენა - 18 სექტემბერი;

ნ) ჩარიცხვის ბრძანების პროექტის მომზადება - 20 სექტემბერი.

მიმღებ კომისიაში წარმოსადგენი დოკუმენტაციის ნუსხა:

ა) განცხადება თსუ რექტორის სახელზე (ივსება ადგილზე);

ბ) ფოტოსურათი (3X4) – ბეჭდური 2 ცალი და ელექტრონული ვერსია CD-ზე;

გ) ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის ნოტარიულად დამოწმებული ასლი (თსუ-ის კურსდამთავრებულისათვის უნივერსიტეტის/შესაბამისი ფაკულტეტის მიერ, ხოლო სხვა შემთხვევაში - ნოტარიულად დამოწმებული ასლი; 2018 წლის კურსდამთავრებულთათვის - ცნობა აკადემიური ხარისხის მინიჭების თაობაზე);

დ) პირადობის დამადასტურებელი მოწმობის (პასპორტის) ასლი;

ე) უცხო ენის ცოდნის დამადასტურებელი საერთაშორისო სერტიფიკატის/შეფასებისა და გამოცდების ეროვნული ცენტრის პროექტის "CERTUS"-ის ფარგლებში გაცემული სერტიფიკატის ნოტარიულად დამოწმებული ასლი (ასეთის არსებობის შემთხვევაში);

ვ) ქართული ენის B2 დონეზე ცოდნის დამადასტურებელი სერტიფიკატის ნოტარიულად დამოწმებული ასლი (ასეთის არსებობის შემთხვევაში);

ზ) წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);

თ) უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში).

ი) საერთო სამაგისტრო გამოცდაზე მონაწილეობის დამადასტურებელი საგამოცდო ბარათის ასლი.

საკონტაქტო ინფორმაცია:

ევროპული კვლევების ინსტიტუტი

თბილისის სახელმწიფო უნივერსიტეტი

ი. ჭავჭავაძის გამზ. 3, მე-2 კორპუსი, მე-4 სართული, ოფისი 406

ტელ: (+ 995) 595770110; (+995) 599108792

<< უკან დაბრუნება

ბიბლიოთეკა

პუბლიკაციები

ტრანს-ატლანტიკური ფორუმი

ბიზნეს მიდგომა